Olivia Paroldi sculpisce fiure annantu à u linoleum, è po dopu appiccica e stampe cusì ottenute à nantu à i muri di a cità. Si prisenta cusì : « Dicu sempre chì une di e cose e più impurtante di e mo materie prime sò, a mo sensibilità  d’artista, di donna è di mamma. Ghjè po dassi a ragiò per quale l'emuzioni umani liati à u tempu chì passa sò assai prisente in u mo travagliu. » Ghjè st'evucazione quì di u « tempu chì passa » ch'è no li avemu dumandatu d'interpretà à partesi da raconti di donne, di passate di donne in fatti : cusì avemu da raghjunghje donne di 80 anni è più, cù testimugnanze d'un passatu trascorsu, chì anu cunnisciutu a 2a guerra mundiale, dopu u passaghju da u XXesimu à u XXIesimu seculu, per dà ci e so visione di e cose, è ch'elle provenu à aiudacci à fà a scelta trà l'idde o e valore, ch'è no pudemu mantene o scaricà.  

1. Lingua è cultura corsa : si tratta d'un prughjettu cuncepitu per a Festa di a Lingua, « Arburi, piante è puesia… »

Cù issu prughjettu, U Svegliu Calvese hà un doppiu ughjettivu :

• Mette à l'onore a lingua corsa inde u so raportu cù a tarra, è cun l’arte ;

• Stende u so permimetru di diffusione indirizzendusi à un pubblicu diversificatu assai.

A lingua corsa inde u so raportu incù à tarra è l’arte :

• 1u d'uttobre : Girandulata cù Stéphanie Orsini, medicu, animatrice di a pagina Facebook : « Arburi è fiori di Corsica» : scuperta di e piante di u liturale;

• 11 d'uttobre : Scuperta d'un tarritoriu, in Calvi : Dominique Bianconi, a tupunimia (ogni pubblicu) ;

• 15 d'uttobre : chasse au trésor (zitelli) 

• 18 d'uttobre : Scuperta di  tarra inde a furesta di Bonifatu incù a land-artista ceramista Cathy Astolfi ;

• 25 octobre : Scuperta di e piante chì ssi maghjanu incù Francesca Desideri ; 

• 7 di nuvembre : E piante è a puesia cù Tittò Limongi pè i zitelli ; cù Olivier Ancey è Jean-Yves Acquaviva pè i maiò ;

•  14 di nuvembre : e piante inde u cantu: Attellu paghjella incù A Filetta a ghjurnata sana à l'uratoriu St Antoine ;

quì si tratta di a siconda edizione di u salone di a literatura per a ghjuventù.

Chì si svolgierà u  26, 27 è 28 nuvembre 2020, à u "Fort Charlet", sediu di u Centru di cunservazione è di resturazione è di u patrimoniu mubiglia di a Corsica.

A prima edizione s'hè passata à a gara dont le personnel aussi bien que la direction des Chemins de Fer de la Corse avaient accueilli favorablement les animations et leurs animateurs !

Quist'annu, u prughjettu hè statu accittatu da u Centru, è dunque di a Cullettività di Corsica à quale appartene.

Avemu decisu d'urganizà un ghjornu in più per accoglie un numaru di classe più impurtante.

U tema scelta hè a malatia, u dolu, a morte è a solitudine…ecc. Ricevemu 6 autori/illustratori, è travagliaremu in cullaburazione incù a Médiateca Territuriale d'imprestu di u Cismonte.

A prugrammazione hè sempre in priparazione. U salone sarà apertu à u teatru per i ghjovani incù a prugrammazione di a pezza  : « La lune des baies mûres » di a cumpagnia Acrobatica Machina.