U Svegliu Calvese sempre à fiancu à voi !

Apprupositu di u U Svegliu Calvese

A nostra storia

U Svegliu Calvese hè oramai una realità bell'arradicata in Calvi, specificamente in Balagna è in Corsica in generale. Dapoi a so creazione in 1981 da Blaise Orsini è cù l'aiutu di a cummunità calvese hà pussutu diventà un'istituzione per a cità di Calvi. Hà sapputu purtà un veru sapè fà inde u mondu culturale, è esse un appoghju è un agrottu pè a creazione teatrale è musicale di quì è d'altrò.

Adesione

U Svegliu Calvese vi prupone sfarenti tippi d’adesione : cusì, putete sceglie quellu chì vi cunvene u più.

Pochi soldi à spende : 20€ ! Sti soldi, à voi, vi permettanu d’accertà u vostru sustegnu, à noi cì permettanu d’accoglie vi è di fà cresce l’idea d’una cultura aperta è amplia !

S’ella vi garba di dà ci un pocu di più, i pigliemu vulinteri !

Adesione per l'annata

Fate parte di l'associu per 20€

Hè un epica strana

Ùn ci hè cà viulenza

Donne marturiate….crimini, viulenza murale, fastidi è turmenti, minaccie, intimurime. Putere, Pulitica, Soldu…

Ed eccu ch’ellu sprufunde l’abissu…toni è timpeste, acqua è ventu,

Paradossu trà modernismu è empiifondu.

Ùn ci hè ni da ride o cerca à capì.

« Un ci hè piu un palmu di nettu, » dicianu in nostri vechji

Fà faccia è esse uttimisti, di pettu à l’illusione è a « l’Insustinibile Leggerezza di l’Essere ».

Ziculendu trà sfacciatezza è gravita.

Per truvà un pocu di benestà, bisogna à esse sesti.

Indè issi fatti, l’omu si deve d’un perde speranza.

Di quessu u sperà, ne simu a cagione, vechji è zitelli, spiighendu par filu è par segnu.

Di voi, ne avemu bisognu, per dà un sensu è mette in anda i nostri prughjetti, voltu i nostri figlioli, i nostri anziani, voltu un sperà per dumane. Acquistà a vostra cunfidenza per cunstruì è incalcà a nostra cuscenza.

Donu

Avemu sempre bisognu di voi

Avemu u piacè d'infurmà vi chì no pudemu oramai, dà vi un ricevutu fiscale, ciò chì vi permetterà di deduce a somma ribuccata, sottu à e cundizione seguente :

• Site cumercienti, speculatore d'un intraprese individuale, è pagate l'impositu à nantu à u rivinutu inde a categuria di i benefizii industriali è cummerciali : a vostra riduzzione d'impositu hè di 66%.

Esempiu : Fate un donu di 200€. A riduzzione d'impositu hè di : 200 x 66% = 132 €.

U vostru pagamentu vi custerà solu 68 €.

• Site un'intraprese sottumessa à l’impositu à nantu à e sucietà : a vostra riduzzione d'impositu hè di 60%.

Esempiu : Fate un donu di 500€. A riduzzione d'impositu hè di : 500 x 60% = 300€.

U vostru pagamentu vi custerà solu 200 €.